ನಿರಂತರ ನುಡಿ

ಅವಳ ಪ್ರೀತಿಯ ಕಿರಣ ನನ್ನ ಉಸಿರ ಚರಣ ನಿನಗೆ  ಬೀಳಲು ಒಂದಿದೆ ಕಾರಣ ಅದುವೇ ನೀನು ಹೊತ್ತ ನಗುವ ಆಭರಣ

ಕಣ್ಮುಚ್ಚಿ ನಿಂತರು ನಿನ್ನದೇ ಚಹರೆ ಮೂರು ಲೋಕದ ಸ್ವಪ್ನ ಸುಂದರಿಯೇ ತುಸು ಸಮೀಪಿಸಿದರೆ ಸಾವಂತೂ ಖಚಿತ ಪಾರಾಗೋ ಪುಣ್ಯಾತ್ಮ ನಾನಂತೂ ಅಲ್ಲ

ಕಾಲ ಬದಲಾಗಿದಿಯೋ ಅಣ್ಣತಮ್ಮ ಯಾರಿಗೂ ಆಗ್ಬೇಡ ನೀನಿಲ್ಲಿ ಗುಲಾಮ ಸಿಕ್ಕಿದಾಗ ಜಾರಿಕೊಂಡು ಮುಟ್ಬಿಡು ದಡನ ಚೇಂಜ್ ಆಗೋದೇ ಜನಗಳ ಹುಟ್ಟಗುಣ ಬದುಕಪ್ಪ ನಿಂಗಾಗಿ ಸ್ವಾರ್ಥಿ ಸಮಾಜದೊಳಗಡೆ 

ಕಣ್ತುಂಬ ನಕ್ಕಿದ್ದು ಯಾವಾಗ ಯಾಕಿಂಗಾಗಿದೆ  ನಂಬಾಳು ಇವಾಗ ಬಾಲ್ಯಾನೇ ಚೆನ್ನಾಗಿತ್ತು ತಿಳುವಳಿಕೆ ಇಲ್ದಾಗ  ತುಂಬಾನೇ ತಿಳ್ಕೊಂಡು ಹಾಳಾದ್ವಿ ಇವಾಗ

ನನಗೆ ಆಸೆಗಳೇ ಜಾಸ್ತಿ ಅದರಿಂದಲೇ ಕಣ್ಣೀರು ಜಾಸ್ತಿ ಮಿತವಾಗಿ ಬದುಕೋ ಜಾಯಿಮಾನ ನಂದಲ್ಲ ಅದರಿಂದಲೇ ಆಗುವುದು  ಅವಮಾನ  ನನ್ನ ಕಣ್ಣೀರಿಗಿಲ್ಲ ಬೆಲೆ  ತೋರಿಸ ಬೇಕಿಲ್ಲ ಅದರ ಕಲೆ ಇದ್ದಹಾಗೆ ಹೇಳುವುದು ನನ್ನ ಕಾಯಿಲೆ ಅರ್ಥವಾಗದು ಇನ್ನೊಬ್ಬರಿಗೆ ಅದರ ಸೆಲೆ 

ಕರುಣಿಸು ವರುಣ ಉಳಿವುದು ಮರಣ ದಿಕ್ಕು ತಪ್ಪಿ ಕಂಗಾಲಾಗಿದೆ ಬದುಕು  ಜೀವ ಜಂತುಗಳು ಮಿಡಿದಿವೆ ಹೃದಯ ಉಳಿಸು ಮಳೆರಾಯ ಸಾಕಾಗಿದೆ ಪ್ರಳಯ  ತಗ್ಗಿಸು ನಿನ್ನ ಶಕ್ತಿ ಕೊಟ್ಟುಬಿಡು ಮುಕ್ತಿ ಸಾಕು ಮಾಡು ನಿನ್ನ ರುದ್ರ ನರ್ತನ ಸೋತಿಹೆವು ನಾವು ಕಾಪಾಡು ನಮ್ಮ ಕಣ್ಣೀರು ಖಾಲಿ ನಿಲಿಸು ನಿನ್ನ ಅಬ್ಬರ 

ಬಡವಾಗಿದೆ ಬದುಕು ಕಾಯುತ ನಿಂತು ತಡವಾದರೂ ಸರಿಯೇ ಕಾಯುವೆ ಅನಂತ ಮರಳಿ ನಗುವ ಹೊತ್ತು ತಾ ಸಿಡುಕಿನ ಹೆಣ್ಣೇ ಕಾದು ಸಾಕಾಗಿದೆ ಓಡಲು ತುಸು ಬಂದರೆ ಬೇಗ ಉಳಿಯುವುದು ಹೃದಯಕೆ ಆಗುವ ಗಾಯ

                ಪ್ರೀತಿಯ ಕೃಷಿ ಪುಟ್ಟ ಕಥೆಯೊಂದು ಶುರುವಾಗಿದೆ ಹಚ್ಚ ಹಸಿರಿನ ಶೀರ್ಷಿಕೆಯ ಮೇಲೆ ಯಾವ ಜನ್ಮದ ನಂಟಿದು ನಮ್ಮಿಬ್ಬರಿಗೆ ನಂಬಿಕೆಯೇ ಬಂಡವಾಳ ಮುಂದಿನ ಪ್ರೀತಿಯ ತೇರಾ ಹೊತ್ತು ದಡ ಮುಟ್ಟಲು

ನನ್ನೊಳಗಿನ ನೋವಿಗೆ ನಾನೇ ಕಾರಣನು ಮನಸ್ಸಿನ ಜೈಲಿಗೆ ತಿಳಿದಿಲ್ಲ ಕಾನೂನು  ಸ್ವಚ್ಛ ಗೊಳಿಸಲು ಯಾವುದಿಲ್ಲ ಸಾಬೂನು ನಾನಾದೆ ಹೃದಯದ ಕಣ್ಣೀರಿಗೆ ಸೆರೆಸಿಕ್ಕ ಮೀನು

ಎದ್ದು ನಿಲ್ಲಬೇಕು ಕಲ್ಲು ಮುಳ್ಳಿನ ಹಾದಿಯಲ್ಲಿ ಜೀವನ ಮೃದು ಹಾಸಿಗೆಯಲ್ಲ ಬೆಂಕಿಯ ಬಾವಿ ಆತ್ಮವಿಶ್ವಾಸ ನಿನಗಿರಲು ತಡೆಹಿಡಿಯರು ಯಾರೂ ಪುಟಿದೇಳು ಒಂದು ದಿನ ತಿರುಗಿ ನೋಡುವುದು  ಜಗತ್ತು ಒಂದು ಕ್ಷಣ

ದೈರ್ಯವಿಲ್ಲವೇ ನನಗೆ ಭಯವೇಕೆ ಭಯವ ಬೆದರಿಸುವಾತ ನಾನಿಲ್ಲವೆ  ಅಂಜುತಾ ನಿಂತರೆ ಅಂಜಿಸುವರು ಮುನ್ನುಗಿದರೆ  ಮಣ್ಣು ಮುಕ್ಕುವರು ಗೆಲುವಿನ ನಾಗಲೋಕ ನನ್ನದೇ

                                  ಚಿಗುರೆಲೆ ಗತಕಾಲವೇ ಗತಿಸಿದರೂ ದೃತಿಗೆಡದೆ ನಿಂತಿರುವೆ ಕಾಲಚಕ್ರವ ಸುಳಿಯಲ್ಲಿ ಮಿಂದೆದ್ದು ಉಳಿದಿರುವೆ ಚಿಗುರೆಲೆಯಿಂದ ಹಣ್ಣೆಲೆಯಾಗಿ ಬೆಳೆದಿರುವೆ ಏರು ಪೇರಿನ ಸಂತೆಯಲ್ಲಿ ಯಾರಿಗೂ ಅಂಜದೆ ಅಚಲನಾಗಿರುವೆ

                                 ಪ್ರಕೃತಿ ಸೃಷ್ಟಿಯ ಸೊಬಗ ಹೊತ್ತ  ಅದ್ಬುತವು ನಾನೇನೇ ಗಿಡ ಗಂಟೆಗಳ ನಾದಸ್ವರದ ಗಾಯಕಿಯೂ ನಾನೇನೇ ಹಸಿರ ಅರಮನೆಯ ರಾಣಿಯು ನಾನೇನೇ ಪರಿಸರವ ಸರಿದೂಗಿಸೋ ಸುಂದರಿಯೂ ನಾನೇನೇ ನಿಮ್ಮವಳು ನಾನು ನನ್ನನ್ನು ಉಳಿಸಿ ನನ್ನನು ಬೆಳೆಸಿ

ನಮ್ಮಿಬ್ಬರ ಪ್ರೀತಿ ಅನುದಿನವು ನವೀನ ಎಂದೆಂದಿಗೂ ನಿಲ್ಲದು ಜಟಾಪಟಿಯ ಕದನ ಮೊಳಗುವುದು ಒಮ್ಮೊಮ್ಮೆ ಮಾತಿಲ್ಲದ ಮೌನ ನಮ್ಮಿಬ್ಬರ ಪ್ರೀತಿಯ ತೇರಿಗಿಲ್ಲ ಬಡತನ ಬಿಡಿಸಲಾಗದು ನಮ್ಮಿಬ್ಬರ ಬೆಸುಗೆಯ ಬಂಧನ

ಸುಮ್ಮನಿದ್ದರೆ ಸಾಕು  ಜಗತ್ತ ನೋಡುತ ವಿಸ್ಮಯವೂ ತಾನೇ ಕಣ್ತುಂಬುವುದು ನಿಮ್ಮ ಆಲೋಚನೆಯ ಅಂತರಂಗ ತಾನೇ ತಾನಾಗಿಯೇ ಸೃಷ್ಟಿಯಾಗುವುದು ಯಾವದು ಹೊಸತಲ್ಲ ಯಾವದು ಹಲತಲ್ಲ ಇರುವ ಇರುವಂತಿಕೆ ಗೋಚರಿಸುವುದು

ಯಾರಿವಳು ಅಪರೂಪದ ಅಪ್ಸರೆ ನೆಲೆ ನಿಂತಿಹಳು ನನ್ನ ಕನ್ಸೆರೆಯಲ್ಲಿ ನಿದಿರೆಯ ಹಾಳುಗೆಡವಿ ಜೀವವ ಹಿಂಡುತಿಹಳು ಚೂರಾದರೂ ತಿರುಗಿ ನೋಡಬಾರದೇ ಬಾಲೆ ನಿನಗೆ ತಾಳಿ  ಕಟ್ಟೋ ಸುಕುಮಾರ ನಾನಾಗಿರಬಹುದಲ್ಲವೇ ಜಾಣೆ 

ಕಾಲವೇ ಕಾಲವೇ ನನಗಾಗಿ ನಿಲ್ಲು ಒಂದು ಸಾರಿ ಹಳೆಯ ಖುಷಿಯನ್ನೆಲ್ಲ ಮತ್ತೆ ಹುಡುಕಿ ತರುವೆ ಮತ್ತೊಮ್ಮೆ ಬರಿದಾಗಿದೆ ಹೊಸ ಕನಸು ಹಳೆಯ ಖುಷಿಯ ಮೆಲುಕು ಹಾಕುವೆ ಇನ್ನೊಮ್ಮೆ ಕಾಲವೇ ಕಾಲವೇ ತಿರುಗಿ ನೋಡು ಇನ್ನೊಮ್ಮೆ ನನ್ನ ಖುಷಿಯ ಮರಳಿ ಕೊಡು ಮಗದೊಮ್ಮೆ

ಅವಳೇ ನನ್ನ ಕನ್ನಡಿ ಮನಸ ಓದೋ ಕಿನ್ನರಿ ಸೌಮ್ಯ ಮೊಗದ ಸುಂದರಿ ನಗುವ ಚೆಲ್ಲೋ ನಾಯಕಿ

ನಿನ್ನ ಸಿಹಿ ನೆನಪ ಸಾಗರದಲ್ಲಿ ಮಧುರ ಕ್ಷಣಗಳೇ ಉಲ್ಲಾಸದ ಅಲೆಗಳು ಪ್ರೀತಿಯ ಅನುರಾಗ ಅರಳಿಸಿ ಕೊಡೆಹಿಡಿದವಳು ನೀನಲ್ಲವೇ ನಿನ್ನ ಸಳೆತದ ಭೂಕಂಪಕ್ಕೆ  ಬಲಿಯಾದವನು ನಾನಲ್ಲವೇ

ದೇವರ ಉಡುಗೊರೆ ಭೂಮಿಗೆ ಹೆಣ್ಣಿನ ರೂಪದಲ್ಲಿ ವಾತ್ಸಲ್ಯವ ಹೊತ್ತು ಪ್ರೀತಿಯ ತೋರೊ ಕರುಣಾಮಯಿ ಮಮತೆಯ ತೊಟ್ಟಿಲ ಹೊತ್ತ  ತ್ಯಾಗಮಯಿ  ನಿನ್ನ ತೋಳಲ್ಲಿ ಕಂದಮ್ಮನಾಗಿ ಇರುವಾಸೆ ಕೊನೆತನಕ

ಉರಿಯೇ ಉರಿಯೇ ಮನದ ಬೆಂಕಿಜ್ವಾಲೆ ಮನದ ಒಡಲ ದಹಿಸಿ ನುಚ್ಚು ನೂರು ಮಾಡು ಆಸೆ ಎಂಬುದ  ನಾಶ ಮಾಡು ಕನಸ ಕಾಣೋ ಮನವ ಸುಡು ಬರಿದು ಮಾಡು ನನ್ನ ಹೃದಯ ದಹಿಸಿ ದಹಿಸಿ ಹೂತುಬಿಡು 

ನನ್ನ ಪಯಣದ ನಲ್ಮೆಯ ನಾವಿಕ ನಿನ್ನ ನೆರಳಲ್ಲೇ ಉಳಿಯುವ ತವಕ ನಿನ್ನ ಪ್ರೀತಿಯ ಅಲೆಗಳು ಬಂದಿಸಿವೆ ನನ್ನ ಅದೃಷ್ಟವೇ ಸರಿ ನೀ ನನ್ನ ವರಿಸಿರುವೆ ಕಳೆದೊಗಲು ಇನ್ನೇನಿದೆ  ನೀ  ಆವರಿಸಿದ ಮೇಲೆ ಸಮಯವೂ ಸರಿಯುತ್ತಿವೆ ಅದ್ಭುತವಾಗಿ ನೀ ನನ್ನ ಅಲಂಕರಿಸಿದ ಮರುಕ್ಷಣದಿಂದ ನೀ ಇದ್ದರೆ ಸನಿಹ ಮರೆತೋಗುವ ಜಗವ ಮಗುವಾಗುವ ಒಂದು ಕ್ಷಣ ನಿನ್ನ ಮಡಿಲೊಳಗೆ

ನಿತ್ಯ ಮಲೆನಾಡ ಮಧುವಣಗಿತ್ತಿ ಕಾದಿಹಳು ವರುಣನಾಗಮನಕ್ಕೆ ಹೊತ್ತಿಹಳು ಹಸಿರ ಬಣ್ಣದ ಅರಮನೆ  ಸಲುಹುತಿಹಳು ಬೂತಾಯಿ ಮಕ್ಕಳ ಇಬ್ಬನಿಗೂ ನಿನ್ನದೇ ಕಂಪು ರವಿಯನ್ನು ಬಚ್ಚಿ ತುಸು ಹೊತ್ತು ನಿನ್ನ ಕಾಪಾಡೋ ಹರ ಸಾಹಸ ಕಾನನದ ಕಂಪನ ಹೊಸ ಒಲುಮೆಯ ಇಂಪನ ಮಲೆನಾಡಿಗರಿಗೇನೇ ಗೊತ್ತು ಮಧುವಣಗಿತ್ತಿಯ ಗತ್ತು

ತುಸು ಅಂಜಿಕೆ  ನೀ ಇರದ ಸನಿಹದಲ್ಲಿ ನಿನ್ನದೇ ಮಧುರ ನೆನಪುಗಳು ಕಾಡುತ್ತಿವೆ ಪ್ರತಿಕ್ಷಣ ಚಂದಿರನಿಗೆ ಇವಳೇ ಬೆಳದಿಂಗಳು ಅಮಾವಾಸೆಯಲ್ಲಿ ನಿನ್ನ ನಗುವಿನ ಚಪ್ಪರದೊಳಗೆ ನನ್ನ ನೋವ ಮರೆಸೋ ಮದ್ದಿದೆ ಸ್ವಪ್ನದಲ್ಲೂ ನೋಡದ ಮಾಯಾಜಿಂಕೆಯ ಮರಿಮಗಳೇನೇ ನೀನು

ನೀವು ಅಂದುಕೊಂಡ ಹಾಗೆ ನಡೆಯಬೇಕೆಂದರೆ ನಿಮ್ಮ ನೆರಳನ್ನೇ ನಂಬಬೇಕು  ಹೊರತು ಮತ್ತರ ನೆರಳು ಕೂಡ ನಿಮ್ಮ ದಾರಿ ಜೊತೆ ಸಾಗದು

ಎಂಕಾಂಗಿ ನೋವಿಗೆ ಬೆಂಕಿ ಹಚ್ಚಲು ನಿನ್ನ ಕಿರುನಗೆಯ ಕಿಡಿಯೊಂದೇ ಸಾಕಲ್ಲವೇ ನನ್ನ ಕಹಿ ನೆನಪುಗಳ ಕಾಯಿಲೆಗೆ ನಿನ್ನ ಗೃಹ ಪ್ರವೇಶವೇ ಔಷಧೀಯಲ್ಲವೇ

ನೀ ಬರದ ದಾರಿಯ ನೆರಳ ಹಿಡಿದು ಕಾಯುತ್ತ ನಾನಿದ್ದೆ ಒಂಟಿ ಕಾಡ್ಗಿಚ್ಚನ್ನೇ ತೊಯ್ಯೋ ಮಳೆಯ ಹನಿಯಾಗಿ  ನೀ ಬಂದೆ  ದಾಟಿ ಸದ್ದಿಲ್ಲದೇ ಎಂದು ಮಾಡಿದೆಯೋ ನನ್ನ ಹೃದಯದ ಲೂಟಿ ಪಯಣಿಸೋಣ ಕೊನೆತನಕ ನಂಬಿಕೆಯ ಮೆಟ್ಟಿಲೇರಿ ಜಂಟಿ

ಕಾರಣವಾಯಿತು ಮದುರ ಬಂಧನಕ್ಕೆ ನಮ್ಮಿಬ್ಬರ ಪರಿಚಯ ಅದ್ಬುತ ಚಲುವೆ ನಿನಗಿಂದು ನೀಡುವೆ ಭರವಸೆಯ ಬೊಗಸೆಯಲ್ಲಿ ಬಚ್ಚಿಟ್ಟು ಕಾಪಾಡುವೆ  ನನ್ನ ಸಂಗಾತಿಯ ಕೊನೆ ತನಕ ಹಂಚಿಕೊಳ್ಳೋಣ ಭಾವಪೂರ್ಣ ಪ್ರೀತಿಯ

ಚಂದನದ ಗೊಂಬೆಯ ಅಪ್ಪುವ ಹೆಬ್ಬಯಕೆ ಅರಳಿಸಿದೆ ಮನಸ ಮೂಲೆಯೊಲ್ಲೊಂದು ಮೊಳಕೆ ಏನೆಂದು ಹೆಸರಿಡಲಿ ಇದರ ವರ್ಣನೆಗೆ ಶೀರ್ಷಿಕೆ ಎಂದು ಸಿದ್ಧವಾಗುವುದೋ ಇದಕೊಂದು ವೇದಿಕೆ

ಅರಿತು ನುಡಿದರೆ ಉಳಿವುದು ಸಂಬಂಧ ಅರಿಯದೆ ನುಡಿದರೆ ಹರಿವುದು ಸಂಬಂಧ ಸಂಬಂಧದ ಸಂಕೋಲೆ ನಾಲಿಗೆಯ ತುದಿಯಲ್ಲಿ ತಪ್ಪಿದರೆ  ಜಾರುವುದು ಸಂಬಂಧದ ಕೊಂಡಿ

ಅಲೆಗಳು ಕಾದಿವೆ ನಿನ್ನಯ ಸ್ಪರ್ಶಕೆ ಹನಿಗಳು ಕಿಡಿಕಾರಿವೆ ನಿನ್ನಯ ಶ್ವೇತವರ್ಣಕ್ಕೆ ಮರಳಿಗೂ ಮರೆಗು ನಿನ್ನಯ ಚಂದುಟಿಯ ಕಿರುನಗೆಗೆ ಸಾಗರಕು ಸಾಕಾಗಿದೆ ಸುಂದರಿಯ ನೋಡಿ

ನಿನ್ನ ಸನಿಹದಲ್ಲಿದೆ ಸಂಜೀವಿನಿ ಹೃದಯದ ನೋವಿಗಿದೆ ಪರಮೌಷಧಿ ಪರವಶನಾದೆ ನಿನ್ನ ನಗುವಿಗೆ ಕಳೆದೋಗಿ ಪುಟ್ಟ ಮೀನಾಗುವಾಸೆ ನಿನ್ನ ನಗೆಯ ಕಡಲೊಳಗೆ  ಜಾರಿ

ಕನ್ನಡಿಗೂ ಕಾಡುವಳು ಅಂದವ ತೋರಿಸಿ ಕಣ್ಣ ಮುಚ್ಚಾಲೆ ಆಡುವಳು ನಾಚಿಕೆಯ ಅಡಗಿಸಿ  ಸುಮ್ಮನೆ ತೊಂದರೆ ಕೊಡುವಳು ಸೀರೆಯ ಧರಿಸಿ ಕನ್ನಡಿಯು ಚುಂಬಿಸುವುದು ಒಂದು ದಿನ ಅಪಹರಿಸಿ

ಯಾರಿವಳು ಕುಶಲಮತಿ ಇವಳ ಅಂದಕಿಲ್ಲ ಮಿತಿ ಚೆಂದದ ಬಂಗಾರದ ಆಕೃತಿ ಸೊಬಗ ಹೆಚ್ಚಸಿದೆ ಮೂಗುತಿ ಎಂದು ಆಗುವೆನೋ ಇವಳ ಪತಿ

ಬರಡು ದಾರಿಯ ಪಯಣಿಗ ನಾನು ಎಚ್ಚರ ತಪ್ಪಿದರೆ ಸಾವುಂಡು ಕ್ಷಣಿಕದಲಿ ಮುನ್ನುಗ್ಗಿ ನಡೆದರೆ ಗುರಿಯುಂಟು ಸನಿಹದಲ್ಲಿ

ನನ್ನ ಸ್ವಪ್ನಕ್ಕೂ ನಿನ್ನದೇ ಗುಂಗು ಇರುಳು ಕಳೆಯದು ನೀನು ಬಾರದೆ ನಿಸ್ವಪ್ನವಾಗಿವೆ ನನ್ನ ಕೋಟಿ ಕನಸುಗಳು  ಬಂದುಬಿಡು ಇಗಲೇ ಸ್ವಪ್ನಲೋಕದ ಸುಂದರಿಯೇ

ಯಾರೇ ನೀ ಹೊಂಬಣ್ಣದ ನಗುವ ಚೆಲ್ಲುವ ತಾರೆ ನಿನ್ನ ವೈಯಾರಕ್ಕೆ ಅಲಂಕರಿಸಿದೆ ಹಸಿರ ಬಣ್ಣದ ಸೀರೆ ನಿನ್ನ ನೆನಪಾದರೆ ಆಗುವುದು ಹೃದಯಕ್ಕೆ ತೊಂದರೆ ನೀನು ಜೊತೆಯಾದರೆ ಬದುಕು ಅನುದಿನವು ಸಕ್ಕರೆ