ನಿರಂತರ ನುಡಿ

 ಇಲ್ಲಿ ಯಾರಿಲ್ಲ ನಿನ್ನ ಬೆಳವಣಿಗೆಯ ಬಯಸುವವರು ನೀನೇ ದಾರಿ ಹುಡುಕಬೇಕು ನಿನ್ನ ಬೆಳವಣಿಗೆಗೆ  

 ಜೀವನದಲ್ಲಿ ನಾವು ಮಾಡೋ ತಪ್ಪು ಏನ್ ಗೊತ್ತ  ಬೇರೆಯವರ ತಪ್ಪನ್ನ ತಪ್ಪು ಅಂತ ಹೇಳೋದು

 ನಿರೀಕ್ಷೆ ರಹಿತ ಜೀವನ  ನೋವು ರಹಿತ ಸಿರಿತನ ಇದೆ  ಸ್ವಾವಲಂಬಿ ಬದುಕಿನ ಸಮತೋಲನ

 ಕಾಣದ ನಾಳೆಗೆ  ಕೋಟಿ ಕನಸ ಕಂಡು  ಆಸೆಗಳ ಮೂಟೆ ಕಟ್ಟಿ  ಪೋಷಣೆ ಮಾಡೋ ನಮಗೆಲ್ಲ  ಒಂದೇ ನಂಬಿಕೆ ದೇವರಿದ್ದಾನೆ  ಅವನೇ ಎಲ್ಲಾವನ್ನ ಕಾಯುತ್ತಾನೆ

 ನಮ್ಮ ಆದ್ಯತೆಗಳ ಆಧಾರಗಳ ಮೇಲೆ  ನಂಬಿಕೆ ಸಂಬಂಧಗಳು ಕೇಂದ್ರೀಕರಿಸಿವೆ  ಪ್ರತಿಯೊಂದರ ಸ್ತಾನ ಪಲ್ಲಟನೆ ನಮ್ಮ ಉಪಯೋಗ ಸ್ವಾರ್ಥ ರೇಖೆಗಳ  ಮೇಲೆ ಅವಲಂಬಿತವಾಗಿದೆ

 ನಿಶ್ಯಬ್ದಕು ತನ್ನದೇ ಆದ ಲೋಕವಿದೆ  ನೋಡುವ ಕಂಗಳಲಿ ಹೊಳಪಿರಬೇಕು  ಅದನ್ನಾಲಿಸುವ ಸೂಕ್ಷ್ಮ ಮನಸ್ಸಿರಬೇಕು

 ಗೊತ್ತು ಗುರಿಗಳು ಪ್ರಬಲವಾಗಿದ್ದರೆ  ಯಶಸ್ಸಿನ ಮೆಟ್ಟಿಲುಗಳು ಹತ್ತಿರವಾಗುತ್ತೆ  ಯಶಸ್ಸಿನ ಕೀಲಿಕೈ ನಮ್ಮ ಪರಿಶ್ರಮ

 ನಿನ್ನ ಸೋಲಿನ ಬೇಲಿಗೆ  ನಿನ್ನ ಭೀತಿಯೇ ಕಾರಣ  ನಿನ್ನೊಳೊಗಿನ ಛಾಯೆಗೆ  ನೀನೇ ಬೆಳಕು ಹುಡುಕಬೇಕು

 ಜವಾದ್ದಾರಿಗಳು ಹೊತ್ತಾಗಲೇ ತಾನೇ  ಗೊತ್ತಾಗುವುದು ಜೀವನದ ವ್ಯಾಕರಣ  ಜವಾದ್ದಾರಿಗಳು ಬಂದಾಗಲೇ ತಾನೇ  ನಾಳೆಯ ಕಲ್ಪನೆ ಶುರುವಾಗುವುದು  ಜವಾದ್ದಾರಿಗಳು ಹೆಚ್ಚಾದರೆ ತಾನೇ  ಜೀವನದ ನೋವು ನಲಿವು ಗೊತ್ತಾಗುವುದು  ಜವಾದ್ದಾರಿಗಳು ನಮ್ಮ ಬೇಜವಾಬ್ದಾರಿಗಳನ್ನು ದೂರ ಮಾಡಿ  ನಮ್ಮನ್ನ ಪರಿಪೂರ್ಣ ಮನುಷ್ಯನಾಗಿಸುವುದು

 ಜೀವನದಲ್ಲಿ ಖರೀದಿಸಲಾಗದ  ವಸ್ತುಗಳಿಗೆ ತುಂಬಾ ಬೆಲೆ ಇರುತ್ತೆ  ಅವುಗಳನ್ನ ಕೊನೆತನಕ ಕಾಪಾಡಿಕೊಳ್ಳೋದು  ಅಷ್ಟೇ ಕಷ್ಟವಾದ ಕೆಲಸ

 ಅಲೆಗಳೇ ಇಲ್ಲದ ಸಾಗರವ ಹುಡುಕಿ  ಮರಳಿನ ಮೇಲೆ ಮನೆಯ ಕಟ್ಟಿ  ಸಮಯವ ಹಿಂದಕ್ಕೆ ತಳ್ಳಿ ಮುನ್ನುಗ್ಗೋ ಬಿಸಿಲು ಕುದುರೆಯ ನೆರಳ ಹೆಕ್ಕಿ  ಖಾಲಿ ಜೀವನದ ಪೆಟ್ಟಿಗೆಗೆ  ಶಾಶ್ವತವಾದ ಬೀಗಿ ಹಾಕಿ  ಬಂದಿಸಿದರೆ ಏನು ಸಿಗುವುದು ಕೊನೆಗೆ

 ಜೀವನಕ್ಕೆ ಬೇಕು ಕಲಿಕೆ  ಕಡಿಮೆಯಾಗಲಿ ಹೋಲಿಕೆ  ಹೆಚ್ಚಿತ್ತಿರಲಿ ನಿನ್ನ ಬೇಡಿಕೆ  ನಿನ್ನ ಮೇಲಿರಲಿ ನಿನಗೆ ನಂಬಿಕೆ  ಇದೆ ಯಶಸ್ಸಿನ ಮೆಟ್ಟಿಲ ಮೊಳಕೆ

 ಯಾರಿಗೆ ಎಷ್ಟು ಯೋಗ್ಯತೆ ಇರತ್ತೋ  ನಾವು ಅಷ್ಟೇ ಯೋಗ್ಯತೆ ಅವರಿಗೆ ತೋರ್ಸ್ಬೇಕು  ಯಾವದೇ ಅತಿ ಆದ್ರೂ ಕಡಿಮೆ ಆದ್ರೂ  ನಮ್ಮ ಯೋಗ್ಯತೆ ಮೇಲೆ ಪರಿಣಾಮ ಬೀರುತ್ತೆ

 ದೇವರಿದ್ದಾನೆ  ಜಗದ ನಿಯಮ ಬದಲಿಸೋ ಸೂತ್ರದಾರ  ನಿನ್ನ ಕೈಯಲ್ಲಿದೆ ಆಗುಹೋಗುಗಳ ಲೆಕ್ಕಾಚಾರ  ಪಾಪದ ಜನಗಳ ಅಹಂಕಾರಕ್ಕೆ ಕಾದಿದೆ ಗ್ರಹಚಾರ  ನಿನ್ನನೇ ನಂಬಿ ನಡೆಯುವ ಜೀವಗಳ ಕಾಪಾಡು ಹರೋಹರ

 ಅಡತೊಡೆಯ ಬದುಕಲ್ಲಿ  ನಡೆಯುತ್ತಿರಲ್ಲಿ ಬಂಡಿ  ಸಹವಾಸ ಕೈ ಸುಡಲು  ಹೊಸ ಅನುಭವಕ್ಕೆ ನಾಂದಿ  ಜಯಿಸೋ ಹಠವಿರಲು  ಸೋಲಿಸಲು ಯಾರಿಲ್ಲ ನಿನ್ನ ನಂಬಿಕೆಯ

ಹಸಿದ ಹೊಟ್ಟೆಗೆ ಆಹಾರದ ಬಯಕೆ  ಕನಸ ಕಾಣೋ ಕಣ್ಣಿಗೆ ಸಾಧನೆಯ ಬಯಕೆ  ಬಿತ್ತಿದ ಬೀಜಕ್ಕೆ ಬೆಳೆದು ಮರವಾಗುವ ಬಯಕೆ ದುಡ್ಡಿನ ಬಾಕರಿಗೆ  ಪರರ ತುಳಿಯುವ ಬಯಕೆ   ಜಗವ ಕಾಯೋ ದೇವರಿಗೆ ಜನರ ಕಾಪಾಡೋ ಬಯಕೆ

 ತೂಗಿ ಮಾತಾಡಿದರೆ  ತೂಕ ಹೆಚ್ಚಾಗುವುದು ಅಳತೆ ಮೀರಿದರೆ ಆಪತ್ತು  ಇದೆ ಜೀವನದ ಗುಟ್ಟು    

 ಒಂದೊಳ್ಳೆ ಜೀವನಕ್ಕಾಗಿ ಜೀವನದ ನೆಮ್ಮೆದಿಗಾಗಿ  ನೆಮ್ಮೆದಿಯ ನಿಟ್ಟುಸಿರಿಗಾಗಿ  ಬಯಸೋಣ ಸರ್ವರಿಗೂ  ಒಳಿತು ತುಂಬು ಮನಸ್ಸಿಂದ  

ಸಮಸ್ಸೆಗಳು ನಮ್ಮಿಂದಲೇ  ಸೃಷ್ಟಿಯಾದ  ಆಸೆಗಳ ಬುತ್ತಿ  ಆಸೆಗಳು ಅತಿರೇಕಕ್ಕೇರಿದರೆ  ಸಮಸ್ಸೆಗಳು ಬೆನ್ನತ್ತಿದ ಬೂತದ ಹಾಗೆ

 ನೀಚ ಪ್ರಪಂಚವಿದು  ಹುಡುಕಬೇಕು ನಿಯತ್ತು  ಅಂತೇ ಕಂತೆಗಳೇ ಜನಗಳ  ಬಂಡವಾಳದ ಮ್ಯಾಜಿಕ್ಕು

 

ಹಣದ ಹೆಂಡ ಹೆಚ್ಚಿರಲು ಕಾಣಿಸದು ಜಗತ್ತು ನೋಡಲು ಹಣದ ನಶೆ ಇಳಿಯುವವರೆಗೂ ಕೊನೆಯಾಗದು ಅಹಂಕಾರದ ಬುತ್ತಿ 💶💶💶💶💶💶💶💶💶💶💶💶

 ಹೆಸರಿಲ್ಲದೆ ಬಂದು ಉಸಿರನ್ನು ಚೆಲ್ಲಿ ಮೂರು ದಿನದ  ಬದುಕೆಂಬ ನಾಟಂಕಿಯಲ್ಲಿ ನೆಮ್ಮದಿಯ ಹುಡುಕಿ  ಶೂನ್ಯ ಸಂಪಾದನೆ ಕೊಂಡೊಯ್ಯುವುದೇ ನಾವು ಕಟ್ಟುವ ತೆರಿಗೆ

 ಬೇರೆಯವರಿಗೆ ತೊಂದರೆ ಕೊಡದೆ  ಬದುಕು ಸಾಗಿಸೋದು   ಒಂದು ಅದ್ಭುತವಾದ ಕಲೆ  ಎಲ್ಲರಿಗೂ ಬರುವಂತಹದಲ್ಲ

 ಚಿಂತೆಗಳ ಚಿತೆಯಲ್ಲಿ ಕಳೆದು ಬದುಕುವುದಕ್ಕಿಂತ  ವಾಸ್ತವದ ಅರಿತು ಮುಂದೆ ಸಾಗುವುದು ಒಳಿತು

ಸಿಹಿ ನೆನಪುಗಳ ಕಾಯಿಲೆ  ಸಿಹಿ ನೆನಪುಗಳ ಕಾಯಿಲೆ ಆಗಿಂದಾಗಲೇ ಬಂದು  ಹೃದಯದ ಕದ ಬಡಿದು ಮನಸ್ಸನ್ನ ಒಮ್ಮೆಲೇ  ಬೇರೋಂದುರಿಗೆ ಎಳೆದೊಯ್ಯೋ ಬಣ್ಣದ ಜಿಂಕೆ  ಖುಷಿಯ ಪದರಗಳ ಮೆಲುಕಾಗಿಸೋ ಕಾಣದ ಬಂಡಾರ

 ಕಂದ ಪ್ರಪಂಚಕ್ಕೆ ಕಾಲಿರಿಸಿದ ನನ್ನ ಮುದ್ದು ಕಂದ  ನಿನ್ನ ಬಿಗಿ ಅಪ್ಪುಗೆಯೇ ನನಗೆ ಕೋಟಿ ಖುಷಿಯ ಪುಳಕ  ನಿನ್ನ ಮುಗ್ದ ನೋಟವೇ ಹೊಸ ಕನಸಿನ ಹೊಂಬಾಳೆ  ಹಂಬಲಿಸುತ್ತಿದ್ದೇನೆ ಅಪ್ಪ ಅನ್ನೋ ಎರಡಕ್ಷರವ ಕೇಳಲು

 ಬದುಕಿಗೆ ಬೇಕು ನಿರ್ದಿಷ್ಟ ನಿರ್ಧಾರ  ಅದುವೇ ನಾಳೆಯ ಬದುಕಿಗೆ ಉತ್ತಮ ಆಹಾರ